مبروك عليكم مصر

السلام عليكم ورحمه الله ،،

طبعا الايام دى مفيش اى حوار فى التليفزيون او كلام بين اتنين او اكتر فى الشارع الا عن الاعاده اللى هتبقى بين احمد شفيق ومحمد مرسى فى الانتخابات ويا ترى  مين اللى ينفع  ومين فيهم اللى الناس هتختاره ،،

ويا ترى هنختار المجرم القاتل احمد شفيق ( زى ما كتير بيقول ) ولا نختار الدكتور المحترم محمد مرسى ( زى ما كتير برضو بيقول )

وطبعا بدأت الحملات الدعائيه الاخوانيه القذره تشتغل من دلوقتى وبدأ يشتغلو على الناس ويضحكو عليهم لتالت مره وللاسف الناس بتصدقهم برضو  ،، ضحكو على الشعب ايام الاستفتاء الدستورى وضحكو على الشعب فى انتخابات البرلمان وضحكو عليهم برضو المره دى فى انتخابات الرئاسه ،، امبارح كنت بشوف برنامج عمرو اديب لاقيت واحده بتتصل بيه من الفيوم بنت بسيطه قالت انا اول مره اتكلم فى برنامج بس الموضوع مهم وانا شفته بعنيا وطبعا حكت اللى حصل بأنها شافت ناس من الاخوان المسلمين واخدين الناس بالعربيات يوصلوهم لجان الانتخابات ولما الناس دى رجعت سألتهم البنت دى انتخبتو مين قالولها الجماعه دول قالولنا انتخبو احمد شفيق رمز الميزان اخر واحد فى القايمه عشان الامن والاستقرار وكده واحنا انتخبناه ،، شفتو الوساخه والاستخفاف بعقول الناس البسيطه ،، هل ده ما يعتبرش تزوير هل ده حلال ،،

كنت بدور فى النت عن دور الاخوان فى الثوره لاقيت ان عدد مجله او جرنان الدستور فى يوم 19 يناير 2011 فيه حوار للمستشار الاعلامى بتاع الاخوان وبيقول بالنص  (( الإخوان لن تشارك في مظاهرات 25 يناير ..وترفع 10 مطالب للنظام لتهدئة الشارع )) 

والحاجه اللى ميعرفهاش الكتير مننا ان فعلا الاخوان ما شاركوش ولما شاركو يوم 28 اعتقد او 1 فبراير شاركوا وقتها عشان امن الدوله المغفلين قبضو على خيرت الشاطر وكذا واحد من الجماعه ساعتها وعشان كده امرو شباب الاخوان انهم ينزلو التحرير مع الناس ولولا كده ما كانش حد شاف واحد منهم لانهم وكما قال السادات عنهم من اجبن الناس ،،
اخيراً من يخير الناس بين محمد مرسى واحمد شفيق على ان احمد شفيق مجرم ولا من الفلول مينساش برضو ان محمد مرسى كان فى يوم من الايام شاهد على وقائع تزوير الانتخابات فى 2005 وما اتكلمش وقال ان الانتخابات نزيهه وان اعضاء الحزب الوطنى رمز كبار فى مصر وموز للوطن والوطنيه ولابد من احترامهم ،، اللى هينتخب محمد مرسى مينساش انه بكده هينتخب الاخوان ومحمد بديع وان مرسى ده ولا عنده شخصيه ولا بيعمل حاجه الا ان المرشد بيحركه ولو حد سأله نزلت الانتخابات ليه هيقوله معرفش هما اللى قالولى ،، للى هينتخب مرسى مينساش انه بكده هيشارك فى تكوين حزب وثنى جديد اكتر فساد من الوطنى المنحل ،،
على فكره انا لحد دلوقتى طبعا مش هنتخب محمد مرسى بس والله ما اعرف اذا كنت هنتخب شفيق ولا وغالبا هروح بقى اشخبط فى ورقه الانتخاب وخلاص مهو كده كده فى تزوير يبقى محدش يستغل ورقتى ،،
واذا فاز الاخوان اللى مش مسلمين ف الاعاده مش هقدر اقول الا حسبى الله ونعم الوكيل ومبروك عليكم مصر يا ولاد المره ،، واحب اوجه رساله للشعب واقوله فعلا العبيد عبيد مهما يتعمل فيهم والاخوان هيعملو فينا كتير ولكى الله يا مصر ..
ودمتم