حدث فى تلك الليله المزعجه (( قصه كوميديا سوداء ))

صح مش بنفتكر ربنا ولا القرءان الا فى الازمات

والاوقات الصعبه اللى بنمر بيها ..

افتكر موضوع كوميدى وطريف انا مريت بيه شخصيا

وحصلى انا .. بس من غير ضحك يعنى

المهم انا متعود ان ليله  اى يوم اجازه عندى  اسهر عند اختى

براحتى ولو حتى للصبح ..

وبما ان بيتها بعيد جداا عننا ولكن فى نفس البلد

المهم كنت سهران وبنتفرج انا وزوجها على فيلم رعب اجنبى

والفيلم مليان بالرعب وفيه راجل بيقطع الناس بالمنشار

ويقطع جثثهم وكل اجزاء اجسامهم..

المهم الفيلم خلص الساعه 1.45 ص

وانا ماشى لاقيت زوج اختى بيقولى

ايه رايك لو يطلعلك الراجل ده بالمنشار بتاعه فى حته فاضيه

قولتلو بص انا مش هجرى لانه كده كده هيجيبنى وهيمسكنى

انا هقف وأقوله خلص يا عم بس بسرعه والنبى

المهم  طبعا بعد ما خلص الفيلم  قعدت شويه وقولت اروح انام

عشان اعرف صحى  بدرى ..

وطبعا كان فى الشتاء والبيوت كلها بتتقفل والمحلات من الساعه 10

وكمان 10 ده متأخر ..

طلعت من البيت لقيت شبوره كبيره فى الشارع

قولت كويس بدايه كويسه وربنا يستر الليله دى

انا بالظبط مشيت 8 متر وابص قدامى الاقى ايه ؟؟؟

ايه ؟؟

الاقى حاجه مش بحبها خالص

الاقى 4 كلاب شكلهم كلاب صايعه وشرانيه وبيبصو ليا ..

انا طبعا قولت لو لفيت نفسى ورجعت للبيت مش هيسيبونى وجرو ورايا

واحتمال كبير يعملو دور المنشار بتاع فيلم الرعب..

قولت اتوكل على الله وامشى وربنا يتولانى ومشيت وانا ماشى

وهما طبعا بيجرو ورايا وطبعا شغالين نباح هم الاربعه

مفيش شئ خطر ببالى الا حديث عن رسولنا الكريم وهى ادعيه

اعوذ بكلمات الله التامات من شر ما خلق

و بسم الله الذى لا يضر مع اسمه شئ فى الارض ولا فى السماء وهو السميع العليم

طبعا انا مش عارف اركز ومش عارف افتكرهم وما عرفتش اصلا افتكرهم

قولت لا هو انا لسه هقعد افتكر فيهم تكون الكلاب الاربعه شغلو

المنشار وبدأو فى أكلى..

قولت لا اقرأ ايه الكرسى وربنا يتولانى والايه كفيله ان

ربنا يحفظنى بيها وان شاء الله ربنا هيحفظنى..

ومشيت وهما لسو ورايا وشغالين نباح طبعا وصوتهم بيعلى

المهم بعد 4 او 5 دقايق من الخوف الشديد بصراحه

لاقيت بيت ابن عمى وجنبه عربيه قولت لا كده مش هينفع

اتجرأت ووقفت للكرب وبالذات للكلب الاصفر اللى كان بينى وبينه

مش اكتر من مترين او 1.50 متر ووقفت وهو وقف وبصيت له

ولسه هتجرأ وهجرى وراه قولت يمكن يكون جبنان لاقيتو بصلى

بس بصه مش كويسه قولت لا لازم  اكون انا جبان وامشى

ورجعت ووقفت عند بيت ابن عمى وهما برضو الاربعه واقفين

وبرضو صوتهم لسه عالى ووقفت حوالى 5 دقايق تانى

مروا عليا كأنهم 5 ساعات وانا واقف ..

وفجاه لاقيت الاربع كلاب (( اعزكم الله )) بيجرو فى الشارع ..

كيف مش عارف وليه مش عارف برضو

انا طبعا استغربت وقولت احمدك يا رب

ومشيت فى شارع تانى مع انه كان مظلم كله بس ارحم من المناشير

بس طبعا هما جرو وبعدو عشان ربنا عايز كده

وعشان نصيبى وقدرى كده ..

الحاجه اللى تضحك انى لما وصلت عند بيتنا

حلفت ان شفتهم دلوقتى لازم اجرى وراهم واجننهم

زى ما جننونى ولاد الـــ......

بس كان لازم يحصلى كده

عشان اعرف وأتأكد ان اتفه شئ وأقل شئ وهو الكلب

يقدر يذلنى ويذل اى عاصى لله

وعشان اعرف برضو ان رحمت الله وسعت كل شئ

وان ربنا برضو رحيم بعباده ومجيب لهم ومعهم فى اوقات الشده..

مهما يكونو عاصين له ..

اللهى استغفرك وأتوب اليك

اللهم اعف عنى وواغفر لى وارحمنى

اللهم انى اسألك العفو والعفاف والغنى

اللهم ليس لى رب سواك فأدعوه

ولا اله غيرك فأرجوه

يا منقذ الغرقى

ويا منجى الهلكى

يا سامع لكل نجوى

يا مجيب دعوه المضطرين

يا رحمن الدنيا والاخره ورحيمهما

هب لى رحمه من عندك تغنينى عن رحمه من سواك

استغفرك ربى عن ما كان منى

من ذنوب وعصيان وآثام

وارجو منك العفو الهى وسيدى وربى ..

وصلى الله على سيدنا محمد وعلى اله وصحبه وسلم

فى النهايه

حبيت اذكر القصه فقط لتذكره نفسى والجميع

برحمه الله بى وبالجميع

وبعفوه ومنه وحفظه لنا اجمعين

اسأل الله ان يحفظنا جميعاً بحفظه ورعايته

ودمتم فى امان الله ورعايته